ကျွန်တော့်ရင်ဘတ်အတွင်းလာရောက်နေထိုင်သော ဓါးထစ်လေး

ရာဟုမလေးရေ . . .
နေမလုံ နှင်းမလုံ
မင်းအပြုံးလေး လုံရုံခြုံမိပါရဲ့
အခုဆို . . .
ငါ့ရင်ငါခြုံလို့တောင် မလုံတော့ပါဘူး
ငါပျော်ခဲ့ပါတယ်
မင်းလက်ထဲ နှင်းဆီဝါ၀ါလေး
တွေ့လိုက်ကတည်းကပေါ့
ဟော့ဒီစိတ်နဲ့ ဒီရင်ဘတ်က
ဒီညမှာ အိပ်မပျော်ဘူး
ဝါကျတွေ နီလိုက် ၀ါလိုက် ပြာလိုက်
ရှေ့မှာလေကြွေသံ တဖောက်ဖောက်ကြားနေရတယ်
၈ နာရီ ၄၅ မိနစ် ကို စိတ်ထဲမှာမှတ်
ဆန္ဒတွေချိုးရေလာလိုက်တာ
လက်ဆယ်ချောင်းနဲ့တောင် မလောက်တော့ပါဘူး
ငါ့ရှေ့ကမြူတွေ ခြောက်အက်စပြုနေပြီ
ဒီလို . . ရာဟုမလေး
ဖုန်းသံနောက်မှာ မင်းအသံပါမလာသလို
လမ်းမီးတွေကလည်း မချိုတော့ဘူး
ဖြစ်နိုင်ရင် ငါ့ကိုယ်ငါ
ဝေေ၀၀ါးဝါး လင်းပြလိုက်ချင်ပါရဲ့
ခက်တာက . .
ငါ့နက္ခတ်မှာ လက်ခတ်သံလေး
ပျောက်သွားခဲ့တာကြာပေါ့
မျက်ရည်တွေကို မငိုဖို့တားရင်း
ရင်ဟောက်ပက် ထီးလေးမှာ
ရယ်သံတွေမပေါ့မပါးနဲ့
ငါ့အဘိဓါန်လေး . . ပိတ်
ပိတ်ချလိုက်ရပါပြီ
ငါ့အရိပ်တစ်ခြမ်းကိုမြင်တိုင်း
နင့်ယူသွားတဲ့ ထီးတစ်ခြမ်းကိုလွမ်းတယ်
ငါ့လက်ချည်းသက်သက် ယက်လုပ်ထားတဲ့
တလင်းပြင်မှာ
နှင်းဆီဝါ၀ါတွေ ဗေဒင်ယတြာမပါပဲ
ကိုယ်ထူကိုယ်ထ ပွင့်လိုက်ကြပါရဲ့
အလွမ်းဒီဂရီဆိုတာ
မနက် ၈နာရီ ၄၅မိနစ်တိုင်း
နိုးနေကျ နှိုးစက်တစ်ခုပေါ့
ကျိန်ပြောပါတယ် ရာဟုမလေးရယ်
နင့်ကိုငါ အရှေ့လျောက်၍လည်းချစ်ကြောင်း
အနောက်လျောက်လိုကလည်းချစ်ကြောင်း
ငါ့ကိုငါ ကတိပေးပါ၏ ။ ။

မောင်မိုးချို

ကွန်ခိုငါး



အလယ်အလတ်တန်းစား အိပ်မက်တွေကို

ရေလောင်းပေါင်းသင်ရင်း

အိပ်မက်တွေက ဆောင်းဆန်ဆန်မက်တယ်

ဘယ်ဆန္ဒကိုမှတော့

လက်ဆုပ်လက်ကိုင်မပြနိုင်သေးဘူး

ကျွန်တော် ဟာ ကျွန်တော်ဖြစ်နေတော့

သူ့ကြည်ပြာရောင် မျော်လင့်ချက်တွေထဲ

အဆက်အသွယ်မရဘူး

သူ့ဖုန်းနံပါတ်လေး ကျွန်တော်မသိဘူးလေ

သူနဲ့ ကျွန်တော်

ဆောင်းနဲ့ နွေလိုဝေးကြရတယ်

ကျွန်တော်မှာ ကြည်ပြာရောင် ထီးတစ်လက်ရဲ့

ရင်ဘက်လွဲ ပုစ္ဆာတွေ တွက်လို့ကို အဖြေမထွက်ဘူး

"တစ်ချက်ပြုံးပြီး

တစ်သက်လုံးရူးခိုင်းတယ်

တစ်ပင်တိုင်ပုံပြင်ကိုပြောပြရင်

ဘယ်တော့မှ မဆုံးဘူး"

လေထဲကပဲ ချစ်ခဲ့ရတဲ့ကောင်ဆိုတော့

လေလိုပဲပျောက်ရတယ်

ဖျောက်လို့မရတဲ့ သူ့အပြုံးတွေက တော့

ပြုစားလို့ကောင်းတုန်းပဲ

အနေဝေးတိုင်း ဒီသွေးက အေးသွားပါ့မလား

ကျွန်တော် ကိုယ်တိုင်က

သူမ ကွန်မှာမှ အသေအချာခိုမိတဲ့

ငါးတစ်ကောင်ဖြစ်တယ်

"ငါသည်သာပန်းဖြစ်၍ နောက်တစ်ကြိမ် ပြန်ပွင့်ခွင့်ရခဲ့သော် "

ကျွန်တော့်မျက်ရည် ကျွန်တော်ဖွက်လို့

ဒီသံသရာ ကို ဒီဖိနပ်ပဲ စီးပြီးသွားပါတော့မယ်

"ခုထိ နင့် စ်ိတ် နဲ့ ငါ ကံ ကို မ ကုန် သေး ဘူး"


မောင်မိုးချို

* ဆရာ တာရာမင်းဝေ ၊ ဆရာ ညီစိမ်း ၊ ဆရာ ရုပ်သေး တို့၏ စာကြောင်းများအား ယူသုံးထားကြောင်း ၀န်ခံပါသည် *

မောင်မိုးချို ဆိုတာ . . .

ဆန္ဒ နဲ့ သိက္ခာကြား မကြာမကြာ လွန်ဆွဲနေရသော လေသံမိုးသံ မကွဲသေးတဲ့ ကောင်းကင်