ဘာလိုလိုနဲ့ တစ်လဆိုတာကို
ပြက္ခဒိန်က ဖြုတ်ချလိုက်ရတယ်
ရင်နာတယ် မကြည်ပြာ
ရင်နာလောက်အောင် ရင်နာပါတယ်
လွမ်းရတာ လက်နှစ်ဖက်လုံးမဆန့်တော့ဖူး
ထပ်ပြောမယ်
ကျွန်တော့် ကမ္ဘာနဲ့မဆန့်ဘူး
လူ့ယဉ်ကျေးဥပဒေ နဲ့
ဝင်မဆန့်တဲ့ကောင်ဆိုတော့လဲ
မုန်းလိုက်ပါ မကြည်ပြာ
မုန်းလိုက်ပါ
လူတစ်ယောက်ကို သတ်ဖို့ဆိုတာ
( လက်ညှိုးလေး ကွေးတတ်မှ မဟုတ်ဘူး)
စကားလေးတစ်ခွန်းပါပဲ
ဟုတ်ပါတယ်
စကားလေးတစ်ခွန်းပါပဲ မကြည်ပြာ
ကျွန်တော် အိပ်မက်ကို ကောင်းရာမွန်ရာ သဂြ်ုလ်ပေးပါ
ဘာမှ မလိုဘူး
ဘာဆို ဘာမှ မလိုဘူး
ဖြစ်နိုင်ရင်သာ ယဉ်ယဉ်လေး ရိုင်းပေးပါ
ကျွန်တော် ဒီဖိနပ်လေးပဲစီးပြီးသွားပါေ
ရောက်ရာအရပ်က သာဓုပဲခေါ်ပါ .. အမျှမဝေပါနဲ့
ကျေးဇူးလည်းမတင်ပါနဲ့
ကျွန်တော်က မကြည်ပြာ အိပ်မက်လောက် မခမ်းနား ပါဘူး
ကျွန်တော့် ရင်ဘတ်ကိုက
အနာတခြား ဆေးတစ်ခြား နွေအတု တစ်ခုပါပဲ
ဘယ်တော့မှ ကမ်းကုန်အောင် မလွှင့်ရသေးပါဘူး
ခရီးတစ်ထောက်နဲ့တင် ရေတိမ်မှာ
ကောင်းကောင်းနစ်တတ်ခဲ့ပါပြီ
သြော် မကြည်ပြာ ရယ်
ကျွန်တော် အိပ်မက်တွေ ကိုဗွေမယူပါနဲ့
သူတို့ က မကြည်ပြာမှ မကြည်ပြာပါပဲလို့
သံသရာတစ်ပတ်စာ တံဆိပ်ကပ်ထားတာကို . . .
မောင်မိုးချို
0 အကြံပေးမှုများ:
Post a Comment