သီချင်း

လမ်းမများ ပေါ်မှ လမ်းများနေတဲ့ကောင်ရဲ့ အိပ်ရာဝင်တေးပဲ ။ လမ်းတိုများ အဝေးပြေလမ်းများ ။

သွေးသားဆန္ဒများ ။ ဗာဒံပင်အာက်ကချိုပေါ့ ။ နှင်းဆီတစ်ပွင့် ဆူးနွင်ခံလိုက်ရပြီ ။ ခိုဖြူတွေထပျံသွားတယ် ။

ညမအိပ်သူတစ်ယောက်ရဲ့ တစ်ထောင်တစ်ည ပုံပြင်လည်း ဟုတ်တယ် ။ ဆေးရောင်တောက်လွန်းတယ် ။

အဖြူအမည်း မကွဲဘူးဆိုတော့ ။ တီးလုံးနဲ့ ပါးစပ်နဲ့ မကိုက်ဖူး ။ ပြန်စမယ် ။ ၁ ။ ၂ ။ ၃ ။ လိင်စိတ်ကြွမှု ။

ဧည့်ခန်းဆောင်မှ ဈာပန ။ ဆေးရုံနံ့တွေရလာပြန်ပြီ ။ ပြန်တာလား ။ ပြန်လာတာလား ။ နှုတ်မဆက်နဲ့ ။

စစ်ပြီးခေတ်လို လေသံက မာမာပဲ ။ စနေထောင့် ။ အမျှဝေသံ မကြားတစ်ချက် ကြားတစ်ချက် ။

လမ်းမီးတိုင်များ ။ ဟော မိုးမိခံလိုက်ရပြီ ။ ဒီဂျေမပါဘူးလေ ။ ကော်ဖီတစ်ခွက် အထီးကျန်မှု ကရော ။

စီးကရက် နဲ့ ဒီကောင် ဘယ်မိုင်တိုင်ထိ ဝေးပါသလဲ ။ လေသံ နည်းနည်းပျော့လာပြီ ။

ကန်တော်ကြီးနဲ့ ချစ်ကြောင်းကြိုက်ကြောင်း ။ ထမင်းရည်ချောင်းစီး ပြီးတော့ အရာရာ အဆင်မပြေဘူး ။

မီးလုံးတွေ မလင်းတော့ဖူး ။ ယာဉ်တိုက်မှု ။ ယဉ်ကျေးမှု ။ မုဒိန်းမှု ။ ကျောင်းမတတ်ဖြစ်တော့ဘူး အမေ ။

လမ်းလျှောက်ရတာ နေသားတကျရှိတယ် ။ အီးခေတ် ။ ဆေးလိပ်တွေ မီးခိုမထွက်တော့ရင် ဘယ်လိုလဲ ။

အဖေနဲ့ အမေ အစဉ်ပြေနေရင် သိပ်ကောင်းမှာပဲ ။ အကြွေများ အကြွေးများ ။ ငါနဲ့ မကင်းကြသေးသူများ ။

အရင်လိုသွားပြီး ပြန်မလာကြဘူး ။ လမ်းတွေမကောင်းတော့ဘူး ။ ဖာရာထေးရာတွေပေါလာတယ် ။

ကဲ မျက်နှာဖုံးချွတ်ကြပြီ ။ ဘီလူးလား မင်းသားလား ။ ပြုံးလိုက်ပါ ... ဟုတ်ပြီ ။ ရိုက်မယ် ။ ပြုံးလိုက်ပါ ။

နာနာကျင်ကျင်ပေါ့ ။ ခေါင်းမဖြီးနဲ့တော့ ။ ကဒ် ။ လက်ကျန်ရှင်းကြမယ် ။ တစ်လုံး တစ်ပိုင်း ။

အကြော်စုံတစ်ပွဲ ။ ညဆိုအော်မယ် ဒီသီချင်းပဲ ။ ပြန်စရာမလိုဖူး ။ ကိုယ်ထင်သမျ မြေပြင်လည်း ရွှေနန်းပဲ ။



မောင်မိုးချို