ကျွန်တော့်ကို လာမှန်ကြတဲ့ အမှန်တရားဟာ ရန်ကုန်မိုးလို မစဲဘူး ။
သူ့ဓါတ်ပုံလေးတွေထောင်ထားတဲ့ စားပွဲ ။
အတိတ်ကို ကျိန်စာလို ကြောက်တယ်လို့ တစ်ယောက်တည်းဆိုဖြစ်တယ် ။
အရာအားလုံးက မနေ့တနေ့က မိုးရာသီလို အားလုံးစီးဆင်းသွားခဲ့တာပဲ ။
ရန်ကုန်မိုးရွာတိုင်း သူ့အိပ်မက်လေးတွေ ချိုပါစေလို့ အမောတကော ဆုတောင်းမိတယ် ။
သူ့အရိပ်လေးနဲ့ မလွတ်ခဲ့တဲ့ ကြည်ပြာရောင်ထီးလေးကိုလွမ်းမယ် ။
မိုးရေထဲ လျောက်မယ် ... မျက်ရည်တွေ တစ်စက်ချင်းကျမယ် ။
ဒီနေ့ ပြက္ခဒိန်က ရက်ရာဇာတွေကြီးပဲဆို သိပ်ကောင်းမယ် ။
ကြည်ပြာရောင်ထီးလေးနောက် လမ်းဖောက်ပြီးလိုက်ခဲ့ဖို့ ။
ကြည်ပြာရောင်းထီလေးကို အိပ်မက်ထဲမှာ တင်ခေါ်သွားဖို့ ။
ကျွန်တော့်ဆန္ဒတွေ ရန်ကုန်မိုးတွေနဲ့ သဲထဲရေတွေသွန်ချနေမိသလို ။
ကျွန်တော် အိပ်မက်က ခဏခဏ လန့်နိုးဖို့ ကြိုးစားနေမိမယ် ။
မိုးရာသီရောက်တိုင်း မိုးမိပါစေဆိုတဲ့ ဆုကို အကြိမ်ကြိမ်တောင်းတယ် ။
ကျွန်တော့် တစ်နှစ်စာ တစ်ရာသီကို မိုးရေတွေ စိုစိုရွှဲအောင်မျော်တယ် ။
ကျွန်တော့ကိုယ် ကျွန်တော် မိုးတွေမိဖို့ တစ်သက်စာကြိုးစားတယ် ။
လူငယ်က လူငယ်မလေးကို စက္ကူစွန် အနွမ်းလေးပေါ် အိပ်မက်တွေတင် ။
မိုးရာသီတစ်ပတ်ပြီး တစ်ပတ် ။ ။
မောင်မိုးချို
0 အကြံပေးမှုများ:
Post a Comment