မြင်သမျှက အဖြူရောင်
----------------------------
စိတ်ကလွတ်ထွက်သွားတာလား ။ အခန်းလွတ်ထဲလား ။
တစ်ယောက်ယောက်ရဲ့ပိုင်ဆိုင်မှုထဲလား။
သွားကြလာကြ ငေးကြမောကြ ။ သူဟာဘယ်တစ်ယောက်လဲ ။
သူဟာဘာအရောင်နဲ့ သူလဲ ။မိုးရာသီလား ။ ဆောင်းရာသီလား ။
ဒါမှမဟုတ် စီးကျလာတာ ။ မျက်ရည်လား ။ မိုးရေလား ။
ဟင့်အင်း ။ ဟင့်အင်း ။
တစ်ကိုယ်ကောင်းဆန်လိုတဲ့စိတ်က ဖျတ်ခနဲ ။ ပူခနဲ ။
နားထင်ပေါ်ကျလာတဲ့သွေးလို။ ထောက်ထားတဲ့လက်ညှိုးမှာ ငါမပိုင်တဲ့အငွေ့ ။
ကွေးလိုက် ။ ဆန့်လိုက် ။ ဖြန့်လိုက် ။ ပြတင်းပေါက်တံခါးကို ဖြန့်လိုက် ။ ဖြန်းကနဲ ။
ငါ့စိတ်ကို ပက်လိုက်တာ အရက်ပျံနံ့လား ။ လရောင်လား ။
မာကျူရီမီးရောင်လား ။ နေရောင်လား ။
ဒါမှမဟုတ်။တစ်ယောက်ယောက်နဲ့ တစ်ယောက်ယောက်ရဲ့စကားလုံးတွေလား ။
ငါထင်နေတာ အမှန်တရား လား။ မုသားလား။ငါ့ဘေးက လူက လူနာကုတင်ပေါ်မှာလဲလို့ ။
ငါ့ကိုပြောနဲ့စကားက ဆေးလိပ်တစ်လိပ်ထက် မပိုခဲ့ဘူးလို့ ။
ငါကိုကြည့်နေတဲ့ မျက်လုံးတွေကအဖြူရောင်လို့ ငါ သူ့နဲ့ သူ့ဘေးက လူတွေကိုပြောလို့ ။
တစ်နေရာရာကို အငွေ့လို ။ မိုးရေစက်တွေလို ။
ဖွေးခနဲပြုတ်ကျသွားချင်တဲ့စိတ်က ငါ့ကို ဖြတ်ရိုက်ချသွား ။
သူက သစ်ပင်တစ်ပင်လို။ သူနဲ့သူ့ဘေးက လူတွေက ကော်ဖီရောင်တွေလို ။
ဖြတ်သွားသမျှကအနှေးပြကွက်လို ။
ရုပ်ရှင်ထဲက 3D ပုံရိပ်တွေလို ။ ငါ့ကို ငါ နံရံတစ်ချပ်လို ။
ငေးလို့ . . . ငါ့ကိုငါ ဘာအရောင်လဲ ပြန်မတွေးဖြစ်တဲ့အခါ ။
အရာရာက ပုံမှန်မဟုတ်တဲ့ သက်ပြင်းမျိုးနဲ့ ။ငေးတယ်တွေးတယ်။
ရင်ဘတ်မှာ အထပ်လိုက်ကျလာတဲ့ နောင်တလိုစကားမျိုး။
အနောက်အရပ်အရောက်မှာ မြင်ရတဲ့နေက အခါးရောင်။
သူ့ဘ၀လို ဘယ်ပန်းကမှမလှဘူးဆိုတဲ့ မျက်လုံးမျိုး။
လက်သည်းခွံတွေက အစ အေးလာတယ်။
ခုတင်ဘေး စားပွဲပေါ်က အိပ်မက်ကို တစ်လှမ်းချင်း ငေးနေဖို့ကလွဲရင်။
ဖင်စီခံနားထိ ရောက်သွားတဲ့ မနက်ဖြန်တစ်ခုလို။ ၅ ၀ပ်မီးလုံးနဲ့ အိပ်ဖို့ထက် မျက်လုံးတွေ
ဖွင့်ထားဖို့လိုကြောင်း ပြောဖြစ် ။ အဲဒီနောက် အပျော်အပါးဆိုတဲ့စိတ်ကို သူ့နားသွန်ချလိုက်။
လူက အဖြူဆို အပူတွေ တစ်ထပ်ပြီးတစ်ထပ်။
စိတ်သွားတိုင်း စိတ်ပါသွားဖို့ ပိုအရေးကြီးလာတယ်။
ထပ်ရောက်တဲ့ အခေါက်မှာ ငါ့ကိုယ် ငါ လွင့်ကနဲ ။ မြင်လိုက် ။ ပြလိုက် ။
ခန္ဓာက ပြတိုက်တစ်ခုလို သူတို့ ပြောစရာ သိပ်များလာတယ် ။
စိတ်ထဲ ထိုသွင်းလိုက်တဲ့ ဓားက လူနဲ့ သဘာဝပတ်ဝန်းကျင်ဆိုတဲ့ အပြုံးမျိုး ။
ဆယ်စုနှစ်တစ်ခုမက ။ အထူးသဖြင့် မျက်လုံးတွေေ၀၀ါးလာတာကလွဲရင် အရာရာ။
စိတ်က ဟိုဟိုဒီဒီ ကစဥ့်ကလျား . . ဟိုတစ်စ ဒီတစ်စ ကောက်သိမ်းလို့မရလောက်တဲ့အထိ
အတွေးကခပ်ဝေးဝေးကိုသွားပြီ။
ဘယ်လို အိပ်မက်မျိုးထဲကနေ ထွက်ကျလာပါတယ်ဆိုတဲ့ ကောက်ချက်က
ကုတင်ခြေရင်းမှာ အလျားလိုက်ကပ်ထားတယ် ။
လှမ်းမြင်နေရတာက ရောင်စုံလို့ထင်ခဲ့တာပဲ ။
အရာရာက ဘာမှမသဲမကွဲပဲနဲ့ ။ ဒီနေ့လား မနက်ဖြန်မှာလား ။
မျက်ခွံကို တစ်ချက်ခတ်ကြည့်။ ရောက်အောင်လာခဲ့ဖို့တော့ ဘယ်သူမှမဖိတ်ခဲ့ဘူး ။
သူကလည်း ရီဝေေ၀နဲ့ပဲလေ။ ကျုပ်ကိုယ်တိုင်က အငွေ့လိုလို ။
ပိတ်ထားတဲ့ တံခါးကနေ ကျုပ်ကိုယ်တိုင် ခင်းမထားမိတဲ့ လမ်းပေါ် တအိအိနဲ့။
သွားလိုက်လာလိုက်။
တစ်ခုခုပြောချင်နေမိတဲ့ စိတ်ကို တစ်ခုမကပြောဖုိ့ တိုက်တွန်းနေမိတာကလွဲရင်။
ထင်ထားသမျကအလွဲပဲ။
မျက်နှာကျက်ပေါ် ထိကပ်ထားလိုက်တဲ့ ညာဘက်လက်မှာ သွေးခုန်နှုန်း ။
သိသိသာသာကျဆင်းလာ။
မွေးရာပါ အနာမဟုတ်သည့်တိုင်အောင် ဘာဆေးမျိုးမှ မတိုးချင်တော့ဘူး။
စိတ်ကူးက နံရံကို အရေခွံတစ်ခုလို ခုတ်ထစ်ခွာချပြီး ရောက်ရာပေါက်ရာထွက်သွားလိုက်ဖို့။
ကော်ဖီခါးခါးတစ်ခွက်ကို ဇိမ်ခံသောက်ကြည့်ဖို့။
နောက်ထပ် တစ်နာရီစာလောက်ကို ပြက္ခဒိန် အစွန်းပေါ်ဆွဲတင်ကြည့်လိုက်ဖို့။
အတွေးက တစ်စပြီးတဲ့နောက် နောက်တစ်စ ကုတ်ခြစ်ဆွဲထုတ် . . .
မောင်မိုးချို
